د اسرائيلو جنایتونه پر نړیوالو قواعدو او قوانینو د بې ننګۍ یو داغ دی
ایکنانیوز د ایرنا له قوله راپور راکړ،د پاکستان د پوځ عمومی قوماندان جنرال عاصم منیر د پاکستان د خپلواکۍ د اوه ا ویایمې کلیزې په مناسبت په ملیټري اکاډمۍ کې پخپلې وینا کې ووئيلو مونږ د فلسطین ملاتړي او ددغه هیواد له خلکو سره د انسان دوستۍ د مرستو لیږد لپاره هرډول هڅه کوو.
جنرال عاصم منیر زیاته کړې ده ،بې شکه په غزې کې د اسرائیلو وحشي ډوله جنایتونه د بشری حقوقو ښکاره خلاف ورزي او د فلسطنییانو نسل وژنه ده او ددغو جنایتونو دوام په نړۍ کې پر اجتماعي اخلاقیاتو او په قانون مدارو ټولنو تندي باندې دبې ننګۍ داغ شمیرل کیږي.
د پاکستان دپوځ قوماندان ټينګار وکړ، مونږ د خپل هیواد د خپلواکۍ په کلیزې کې له دوستو او همتړونو هیوادونو سره داړیکو پیاوړتیا ته د ژمنتیا اعلان کوو او له دې سره په یووخت غلیمو هیوادونو اودښمنانو ته هم روښانه پیغام ورکوو په دې باب چې پاکستان هیڅکله هم او په هیڅ قیمت سره ، دخپلې مځکنۍ بشپړتیا او ملی امنیت په باب چاسره مصالحه نه کوي.
هغه په دوام کې افغانستان د پاکستان یو اسلامی او ګاونډی هیواد وباله او وې وئيل، اسلام اباد په صادقانه توګه له افغانستان سره د ورورولۍ او ژورو اړیکو غوښتونکی دی او کابل ته د مونږ پیغام دا دی چې دپاکستان د خیر خواه ورورر او ګاونډي هیواد ځای دې له ترهه ګرو عناصرو يعني تحریک طالبان پاکستان (ټي ټي پي) سره بدل نه کړي. د پاکستان جنګ به د ترهه ګرۍ له بلا سره په ټول قوت سره دوام ومومي او ددغه هیواد پوځ به له هیڅ ډول قربانۍ او سرښیندنې هم ډډه ونه کړي.
